жағалау ракета бөлімдері

(Береговые ракетные части)

ракеталарды ұшыратын тұрақты және жылжымалы қондырғылармен қаруланған әскери-теңіз флотының бөлімдері мен бөлімшелері. Ж.р.б. әскери-теңіз базасының қорғаныс құрамында болады, жағалау мен аралдардағы маңызды аймақтарды теңізден қарсыластың шабуыл жасауынан сақтайды, теңіз бағытында қимыл жасаушы құрлықтағы әскерлерге және теңіздегі кемелерге жәрдемдеседі. Ж.р.б. тактикалық ракеталармен жарақтандырылады. Тактикалық ракеталар қарсыластың тылда орналасқан объектілеріне соққы береді. Бұл объектілерге жататындар: ядролық шабуылдың тактикалық құралдары, артиллерия, әскерлердің бір жерге шоғырланған аудандары, қорғаныс құрылыстары және басқару пункттері (әскери құрамалардың командалық пункті, авиацияны басқару пункттері), радио және радиолокациялық станциялар.